You are here: Home
 
 

فلسطین فاؤنڈیشن پاکستان کا چھ رکنی وفد عالمی فلسطین کانفرنس ’’الوعد الحق ‘‘ میں شرکت کے لئے روانہ

E-mail Print PDF

0Pala9051کراچی - (فلسطین نیوز۔مرکز اطلاعات) فلسطین فاؤنڈیشن پاکستان کا چھ رکنی وفد فلسطین فاؤنڈیشن پاکستان کے مرکزی سیکرٹری جنرل صابر ابو مریم کی قیادت میں عالمی فلسطین کانفرنس ’’الوعد الحق‘‘ ( سچا وعدہ) میں شرکت کے لئے روانہ ہو گیا،وفد میں جماعت اسلامی پاکستان کے رہنما سابق رکنی قومی اسمبلی محمد حسین محنتی، پاکستان مسلم لیگ نواز کے رہنما اور وفاقی وزیر برائے مذہبی امور کے ترجمان پیرزادہ ازہر علی شاہ ہمدانی، جماعت اہلسنت پاکستان کے مرکزی رہنما علامہ شبیر انجم، مجلس وحدت مسلمین پاکستان کے مرکزی رہنما مولانا باقر زیدی اور معروف سماجی کارکن حیدر زیدی شریک ہیں۔

واضح رہے کہ علمائے مقاومت کے عالمی اتحاد کی جانب سے منعقد ہونے والی دو روزہ عالمی فلسطین کانفرنس کا انعقاد لبنان کے دارلحکومت بیروت میں کیا جا رہاہے جہاں مفتی اعظم القدس و فلسطین سمیت مفتی اعظم لبنان ، عراق، شام،یمن سمیت عرب اور افریقی ممالک کے جید علمائے کرام، اسکالرز اور تحریک آزادی فلسطین کے لئے سرگرم عمل جماعتوں بشمول حماس، حزب اللہ ، جہاد اسلامی، پاپولر فرنٹ، پی ایل او اور دیگر کے اعلیٰ سطح کے قائدین شریک ہو ں گے۔