You are here: Home
 
 

فلسطینی بچوں پر یورپی پارلیمان کا صیہونی مظالم بند کرانے کا مطالبہ

E-mail Print PDF

0Pala5885مقبوضہ بیت المقدس (فلسطین نیوز۔مرکز اطلاعات) یورپی پارلیمنٹ کے ارکان نے فلسطینیوں کے خلاف اسرائیلی ریاست کے مظالم بالخصوص بچوں پر ڈھائے جانے والے مظالم کی شدید مذمت کرتے ہوئے فلسطینی بچوں کو تحفظ فراہم کرنے کا مطالبہ کیا ہے۔

فلسطین نیوز کو موصول ہونے والی اطلاعات کے مطابق یورپی اسمبلی برائے پارلیمان کی طرف سے کونسل کے ارکان کو ایک دعوت نامہ ارسال کیا گیا ہے جس میں فلسطینی بچوں پر اسرائیلی مظالم سے متعلق سوئٹرزلینڈ کے لیلیان موری باسکی کی تیار کردہ رپورٹ پر رائے شماری کا مطالبہ کیا گیا۔ بعد ازاں اس رپورٹ پر ہونے والی رائے شماری میں 47 ارکان نے حمایت کی،11 نےمخالفت کی جب کہ 4 نے رائے شماری میں حصہ نہیں لیا۔

یورپی پارلیمان کی جانب سے اسرائیل پر زور دیا گیا ہے کہ وہ بچوں کے عالمی ادارے "یونیسیف" کے پروگرام کے مطابق قوانین وضع کرے، انسانی حقوق کی تنظیموں ریڈ کراس، سول سوسائٹی کی دیگر تنظیموں اور انسانی حقوق کے اداروں کے ساتھ مل کر فلسطینی بچوں کے حقوق کا تحفظ یقینی بنائے۔

پارلیمانی اسمبلی نے فلسطینی بچوں کے معاملے میں اسرائیلی فوج اور پولیس کے وحشیانہ برتاؤ کی شدید مذمت کی ہے اور کہا ہے کہ اسرائیلی اقوام متحدہ کے انسانی حقوق کے چارٹر کی روشنی میں اقدامات کرے۔